لؤلؤة استرااااليا تعتلي كرسي الاعتراااف

هلا يا اعضاء ما شاء الله شادين حيلكم عليا لكن معليش انا قلت قدها وقدود يا الله نبدا على بركة الله
س: ايش هية الامنية اللي تتمني تحققيها الفترة الجية ؟
بصراحه سر اسفه اعتبرها امنيه خاصه
س: مين مطربك المفضل؟ ومين مطربتك؟
مطربي المفضل عبد الحليم حافظ لكن احب اسمع لماجد المهندس ومطربتي بعد ام كلثوم اليسا وشريت احمد
س: اي نوع من الافلام والمسلسلات اللي تحبي تتابعيه؟ يعني درامي كوميدي ولا اكشن ولا رومنسي؟
احب الافلام الكوميديه المصريه ولكن الاكشن في الاجنبيه
س: مين من الممثلين والممثلات اللي تحبي انك تتابعيهم وتتابعي اخبارهم؟
الافلام المصريه احمد حلمي والاجنبي الممثله انجلينا طبعا في المقدمه
س: تحبي تقري جرائد ومجلات؟ ولو تحبي ياريت تذكريلنا هية؟
احب اقرا طبعا بس وين عن المجلات من زمان حقت السعوديه سيدتي او زهرة الخليج بس وانا في استراليا يا الله اقرا دروسي الصراحه واحل واجباتي واشوف بيتي
ومشكور ومنتظره تفاعلكم الجميل
ماهيايجابياتك ؟
الحنان والعطف والطيبه والصراحه وهذا ممكن تسالو فيها عذب السجايا
سلبيااتك ؟؟
العصبيه
ماهو اغلى شئ تملكيه في حياتك ؟
رضا الوالدين عني والحمد لله
اقرب عضو/ة ليكي في المنتدى ؟
عذب السجايا
هل تحبيي الاكل ولاا خخخ ؟؟
كنت اول ما حبه لكن الان من جد احبه لاني استفقد اكلاتنا السعوديه ومطاعمنا هناك في استراليا وخصوصا البيك
هل تفضلين الشاي ام القهوة ؟
بصراحه انا شريبت شاي وقهوة بانواعها العربي والكافيه والتركيه بشده وبكثرة اكثر من الماء
ويعطيكي العافيه يا شروق
الله وكبر يا اخوي حلو بس كداب ايه داه انت برمت اصباعي على الكمبيوتر يابويا نشره جويا هيا طيب وللكن انا قلت قدها وقدود ويا الله سمي الله وخذ الاجابات
ايش هية حكمتك في الحياااة؟
دع الايام تفعل ماتشاء وطب نفسا اذا حكم القضاء
ولا تجزع لحادثة اليالي فكل شيء بقضاء
س: ايش اكلتك المفضلة ويش مطعمك المفضل؟ وهل تحبي اكل البيت ولا المطاعم؟
اكلتي المفضله الاسبكتي والمطعم المفضل عندي المطاعم الصينيه عموما ولكن احب اكل البيت طبعا وهذا الي عاجب زوجي فيا ويستغرب اني ما اكل من السوق الى مرة وحده كل اسبوعين حتى وانا باستراليا وطبعا هذا الفضل يرجع لله رب العالميتن ثم عذب السجايا الي علمتني ودايم يقولو ان اكلي مثل اكلها وهذي بشهادة الوالد
س2: مين قدوتك في الحياة؟
طبعا الوالده والوالد
س3: لو كنتي مكان الرجل اقصد زوجك لمدة اسبووع ايش ممكن تسوي وايش تغيري في حياتكم؟
ممكن اغيره بنفسه لو اقدر هههههههههههههه
لا اتمنى بصراحه ان اكون رجل يوما ما لان بصراحه ما احب اكون ظالمه احب اكون مظلومه ههههههههه
بصراحه مدري سؤال غريب افكر بعدين اقلك
س4: لو مسكوكي الحكم لمدة يوم واحد ايش حتغيري في البلد؟
اول شيء ما ابقي شاب على الارض الى وما اشغله وادور له وظيفه واشغل الشباب الي ممكن نطلع منهم علماء وعباقره والشيء الثاني واغير جميع الوزراء
س5:
لو شخص ااااذاكي في حياتك مو مشكلة عزيز ولا عادي وجاتك الفرصة انك تردي
حقك ايش ممكن تعملي؟ هل ممكن تسامحيه وتسيبيها ليوم انت تحتاجي فيه
الحسنات؟ ولا لازم تاخذي بحقك في الدنيا؟ ولو حتاخذي حقك ايش ممكن تسوي؟
الصراحه كثير الي ياذوني وماكنت اخذ حقي نهائيا ولا احب انتقم لان الله بوريك القضاء قدام عيونك حتى لو طالت الايام والسنين لكن من اسلوبي اني دايم ابتعد عن الانسان الي ياذيني يعني ماودي اعاقبه ولا ابغى منه اعتذار لانه نزل من عيني ومستحيل اني اتقبل منه اي معامله دام اخلاقه اعطته انه يتعامل معاي بغلط ولكن هذا يرجع لشخصية الشخص يعني لو كنت تعرفه وما كان قاصد اسامح ولكن اذا نيته خطا ابتعد عنه لان الغلط مردود وهذا اكبر عقاب يراجع نفسه فيه
س6:
وانت معصبة وفي قمة العصبية ايش التعبير اللي تعبري بيه؟ يعني في ناس تزعق
وفي ناس تضرب وفي ناس تروح تنام وغيره وغيره انت من اي نوع بالضبط؟
انا طبعا قلت انفجاري مو طبيعي لاني عصبيه لكن سرعان ما اهدااطلع كلام موطبيعي بصوت عالي كان اتكلم بمقرفون
س7: كيف ممكن تتعاملي مع المشاكل ان كانت صغيرة او كبيرة ؟ هل انت متفهمة من الاخر ولا ممكن تكبري المشاكل؟
شوف الصغيره الصراحه اطنشها علشان الحياة تمشي ما ندقق علشان المثل يقول طنش تعش تنتعش تنتفش لكن الصراحه المشاكل الكبيره اسمع للنهايه واطلع عيوبي اذا كنت غلطانه اعتذر حتى لو من اختي الصغيره لكن اذا كان احد غلطان عليا اهجر وابتعد ولا احب اناقش واذا ناقشت احب اختصر كلامي لاي احد ثاني وهو يوصله للشخص لاني مااتحمل المجادله ولا النقاش وخصوصا مع انسان اكبر مني علشان كدا ارسل رساله باي طريقه مع شخص او ايميل او رسالة جوال وابتعد بسرعه

س8: ايش هية الحاجة اللي مستحيل انه لؤلؤة تنساها؟
ان زوجي وهو كان طالب في الجامعه عمل صالون حلاقه وفاجاني بااسم الصالون انه كان باسمي ( اسير.ال........لؤلؤة استراليا.)..والى الان موجود حتى بعد ما باعه موجود الان هذي صراحه ذكرى حلوى ما انساها لكن الحزينه ذكرتها هي موت طفلي الاول .
س9: كيف تعاملك مع بنتك وهل انت من الناس اللي اول حلولهم الضرب ؟
الصراحه انا لمن اشوفها على غلط ما اترك لها ولا غلطه لانها في سن التربيه في امهات تقول خلاص بسامحه ها المره واحب اكلمها مرة اناديها لعندي واكلمها في اذنها واشرح لها الغلط والمرة الثانيه اصرخ عليها بصوت عالي وامام الناس المرة الثالثه اضرب بس ضربه خفيفه الرابعه الصراحه اضربها اقوى والان صرت استخدم العقاب لمدة 45 دقيقه لو عملت شيء كبير تجلس ما تتحرك ولو تحركت راح تنضرب بعلاقة الملابس
س10:
مين اقرب لكي على قلبك امك ولا ابوووكي؟ جاوبي بصراحة مو عشان امك هنا ح
تقولي امك ولا تقولي كلهم الاثنين زي بعض ويااريت تذكري ليش؟
بصراحه اقرب على قلبي كانت امي كنت كل شيء اقوله لها ولكن مع مرور الوقت واشوفها بعيده وعندها الضغط صرت ما اقولها كل شيء علشان لا تزعل وما تتضايق وصرت الصراحه اكتب الخواطر بكثرة
س11: لو في شخص اساء لكي بالكلام بس انت ماتدري يعني في احد وصلك المعلومة كيف ح يكون تصرفك في الموضووع؟
ما اصدق الى لمن اسمع باذني ثم احكم
س12: لو غلطتي على شخص ايش حتسوي؟
والله اتسامح منه حتى لو كان اصغر مني باي طريقه وما اسيبه حتى يرضى
س13: لو احد غلط عليكي وجا اعتذر منك كيف حتكوون ردة فعلك معاااااه؟
اسامحه الصراحه بس اتعزز في البدايه هههههههههه
س14: امنية كان نفسك تحققيها وماقدرتي ياريت اعرف ايش هية؟
ان ما ادخل قسم تاريخ وكان ودي ادخل لغة انجليزيه او فرنسيه في الجامعه بس دخلت تاريخ والحمد لله خلصت البكالوريوس علشان كدا الماجستر في تخصص نهائيا بعيد عن التاريخ
س15: ايش هو تفكيرك حاليا للمستقبل وكيف مخططك لحياتك؟
ودي اكمل دراسه الى النهايه الى ما امل وان ربي يرزقني الذريه وان اطنش كثير في الحياه
س16: هل تفكيرك كان قبل 10 سنوات زي ماهو دحيييين ولا اتغير؟ ولو اتغير اذكريلنا الاسباااب؟
نعم كثير اتغيرت لان الحياة مدرسة نعيش ونتعلم وكل ماعلمتنا الحياة بيتغير فينا الشيء الكثير لان حياتي كانت اكبر تجربه اتعلمت لمت اتزوجت وعايشت الناس واهل زوجي واغتربت وكمان لمن انجبت بنتي والاختلاط بالناس عرفني كيف ان الواحد لازم يتعلم من الحياه ما يجلس على اطباعه الي متعبته في حياته واكثر شيء بصراحه حياتي الزوجيه علمتني الشيء الكثير لان بصراحه قبل الزواج كان ابويا وامي مرة شديدين في التربيه معانا يعني لا صاحبات ولا تلفونات ولا حتى خروج كثير المهم نتعلم خدمت البيت لكن الجيل اتغير والوضع اتغير والنت وغيره اصلا الدراسه اتغيرت بكملها لكنالحمد لله طلعونا ربات بيوت لكن على نياتنا كثير في تعاملنا مع الناس وهذي الايام ماتنفع النيه الطيبه مع اي احد لانها صارت تجيب مشاكل
س17: ايش هو عمل الخير اللي سويتيه وماحبيتي انه احد يعرفه؟ وليش خبيتي؟ طبعا انت حرة تجاوبي او لا
طبعا قلت عمل خير وما راح اقوله بس راح اهلي يعرفوه بعد موتي في وصيتي
س18: لو جاكي الاختيار انك تغيري مكان البعثة فين حتختاري اي بلد؟ ولييييش؟
امريكا او كندا
لان طفشت من استراليا 3 سنوات وبعدين الوالده عاشت فيها سنتين ولمن نتكلم على الانظمه والحياه حسيتها افضل من استراليا وارخص وكم ولايه فيها لان ولايات استراليا خلاص كلها زرتها وهذي من امنياتي اني اسافر امريكا
س19: لو كان معاكي عصير دوووبك اشتريتيه وجااكي شخص وطلبك هو وانت ماعندك غير فلوس العصير هذا ايش حتكون ردة فعلك؟
اعطيه العصير اذا كان من جد محتاج ولكن اذ مو حتاج اقسم العصير بيني وبينه علشان اكيد اكون عطشانه ههههههههههههه
س20:
لو وقعت مشكلة لاقدر الله لكي وكنتي خايفة انه احد يعرف ومافي حل الا انك
تقولي لاحد عشان يساعدك مين ممكن يكون هذا الشخص؟ اللي حتعتمدي عليييه
وشايلته للعوزة
عذب السجايا وام شكلنص
س21:
كيف تشوفي نفسك يعني اقصد النظرة اللي الناس يشووفوكي بيها هية انت من جوا
ولا انت تشوفي نفسك غير عن الناس اللي تشووفك؟ وليييش؟
كل العالم عارفه ان لؤلؤة حنونه ولكن عصبيه وعارفين اذا غضبت لكن كلهم عارفين نقطة ضعفها
س22: ايش هو اعز شي على قلبك في الحياة غير امك وابوكي وزووجك وبنتك طبها؟
مقدر اقول معليش ممكن تعتبره سر

س23: ايش يكون ردة فعلك لو شخص اتدخل في خوصياااتك ؟ وايش الخصوصية اللي ماتحبي احد يتدخل ولا يتجرأ فيها مهما كان معزة الشخص؟
انا بصراحه كتاب مفتوح عند اهلي وماعندي خصوصيات بين خواتي ولا عند زوجي كل شيء عادي اقوله لهم ولزوجي بس
ولكن عند ما تكون عندي مشاكل مع زوجي ما احب احد يتدخل فيها الى اذا كانت جامده ووقفت وعجزت عن الحل هنا ممكن الجا لاقرب الناس الي ممكن الاقي الحل عنده اما خصوصياتي انت قلت خاص يعني سر
اهههههههههههههههههههههههههه

ولي لقاء اخر لتكملت الاسئله

عضو نشيط ؟
بصراحه حلو بس كداب وشروق وعذب السجايا والفارس الملثم هم اكثر الاعضاء نشاطا
عضو ناايم ؟
نمر بن عدوان وسفينة الاحزان وام شكلنص ودارك انجل وام حمودي دولا نايمين بالعسل
عضو دمه خفيف ؟
انا طبعا ههههههههههههه
عضو فعال وله بصمه على المنتدى ؟
انا طبعا هههههههههههه
ـــــــــــــــــــــــــــــــــــــــــــــــــــــــــــــــــ
ماهي امنينك في الحياة ؟
امنيتي اني اكمل دراستي وربي يرزقني الذرية ان شاء الله واعيش بسلام مع من احب

هل تودي ان ترجعي لمرحله الطفولة ام المتوسط او الثانوي ام الجامعة ام ماقبل الزواج فترة ؟؟

احب مرحلة الثانوية
ماهي احلى لحظة في حياتك ؟
احلى لحظه لمن اشوف اهلي وكل حبايبي طيبين وبصحه وسلامه

ابغا رأيك لو بكلمة لكل من الاعضاء التالية اسمااءهم :
عذب السجايا:
شكلنص:
اسيرة الصمت:
توتي فروتي:
سفيرة الاحلام:
صغيرة الخطيرة:
حلو بس كذاب
بصراحه انا اختصرها لك طبعا عذب السجايا امي والحب كله بالنسبه لي
اما الباقين اخواتي واعز ما عندي في الحياة وكلهم اخوات طيبه وحنان ومحبه وربي لا يغير بيننا
اما انت بصراحه ايش اقول ودي اطيح فيك كلام
بس الصراحه هههههههه اخوي الي ليس من امي ولا ابوي ولد عذب السجايا :

ماشاء الله عليييكي ايش الثقة هذه كل ماقالو مين العضو الفلاني قلتي انا هههههههههههه
الثقة حلووووة واتمنى ماتقلب غروووور خخخخ
وشكرا على العضو النشط لكن بكل صرااااحة مو انا النشط عن جد والله عفريت هو اللي يستاهل النشاط
جيتك وكنت ابغا اشوف كيف اجوبتك على اسئلتي يلا مع انه ماجاوبتي على رايك في الاعضاء اللي حطيت اسماءهم
لكن يلا مو مشكلة اانت اخت عزيزة عليا وتستاهلي اني اسامحك

عندي كم استفسار مو سؤال وياريت تجاوبي اذا مافيها احراج
فييييييين ام شكلنص وليييش مابنشووفها مررررة ان شاء الله يكون خيييير
وفييييييين توتي فروتي اختي الصغيرة ايش عندها وكيف جامعتها وياريت تطمنوني عليها

يلا اشوووفكم على خيييييييييير

ام شكلنص عقبال عندك ما شاء الله هي ولدانا وجات بنوته حلوه اسمها صبا وتعرف علشان كدا هي ما بتدخل على المنتدى اما توتي فروتي فقلت هي واصله شوشتها على قولتهم في جامعتها وتعرف الجامعه واساسا قسمها صعب وما عندها وقت
اما لاجابة الاسئله فما شاء الله عليا ما قصرت صح

هلا وينكم يا ناس طيب قولو وش الحكايه
مين حيكون بعدي اشوفكم مرة نايمين اصحو