لؤلؤة استرااااليا تعتلي كرسي الاعتراااف

السلام عليييكم
صباح الخير يالؤلؤة
اتمنى تكوووني مرتاحة عالكرسي وتكووني في عز نشااطك
ورينا همتك يابنت الغالية واخت الغالييين
المهم يلا حاب اني اسألك كم سؤال كذه عالماشي
سمي بالله وأبدئي
س1: كم عمرك ؟ وكم لكي وانت فيبلاد الغربة ؟ ياريت تعطينا نبذة عنك وعن حياااتك وكيف تشوفي نفسك يعني اوصفيلنا شخصية لؤلؤة ؟

س2: انت متزوجة ولا لا؟ ولو متزوجة وهذا اللي متوقع كم لكي سنة متزوجة؟ وكم لديكي من الاطفال وكم اعمارهم؟

س3: ايش رأيك في الزواج هل تشووفيه احسن ولا حياة العزوبية احسن؟ وليييش؟ وايش عندك نصييييحة لكل واحد ووحدة على وجه زواج؟

س4: ايش رايك في الزواج التقليدي والزواج عن طرييق الحب وايهما تفضلي؟ وليييش؟

س5: هل في يووم ندمتي على شي سوييتيه ؟ ولو ندمتي ياريت نعرف ايش هو ؟

س6: مين كان صااحب سرك في الغربة ؟ وليش هذا الشخص بالتحديييد؟

س7: هل تحسي انه انت اتسرعتي في الزواج ولا كان في الوقت المناسب ؟ وليييش؟

س8: لمن تكووني طفشاانه باييش تسلي نفسك ؟

س9: ايش استفدتي من الغربة بشكل عااام؟ ويااااريت تعطي نصيييحة لكل واحد حيساافر وحيتغرب عشان يستفيد من الاشياء اللي حصلت معاكي؟

س10: هل تنصحي اي شاب وشابه انهم يساافروو ويتغربوو ولا لا؟ وايييش كنتي تسوي في الغربة شغل ولا دراسة ولا ايييش؟

بس خلاص كذه كفااية اليووم وليا رجعة واطلبي اي شي وانا جي اجييبه معايا مايردك الا لسااانك

وشكرا

اهلين والله بالجميع
انا اعتلي كرسي الاعتراف وهذا يشرفني ان اجلس عليه في منتدى القدسي
وانا سوف اكون معاكم ومتقبله اسئلتكم الجميله بس ياريت تكون حلوه زيكم يا اعضاء ومشكورين على اعتلائي كرسي الاعتراف وانا منتظرتكم جميعا

بسم الله وعلى بركة الله نبدا
س1: كم عمرك ؟ وكم لكي وانت فيبلاد الغربة ؟ ياريت تعطينا نبذة عنك وعن حياااتك وكيف تشوفي نفسك يعني اوصفيلنا شخصية لؤلؤة ؟
عمري 29 سنه ولي 4 سنوات وانا في استراليا انا الابنه الثالثه لعذب السجايا طال الله بعمرها تزوجت وعمري 22 سنه
انا انسانه طموحه بالحياه احب الدراسه واحب ان احقق امنيتي بالحياة ان اكون دكتوره بالجامعه ان شاء الله معي بكالوريوس وعملت بالتدريس لمدة عام ومعي دبلوم حاسب الي ومعارف ومعي دورات لغه انجليزيه كل هذا حققته في السعوديه
شخصية لؤلؤة ولله الحمد اكون معاكم صريحه انا عصبيه ولكن معروف العصبي جدا حنون وعاطفي وقلبي جدا ابيض ولكن من ضمن عيوبي انني لا اهدأ بسرعه وكذالك عند حدوث اي مشكله احب الاعتزال مع نفسي وبعيد عن الناس اتحمل كثيرا ولكن الله يستر من انفجاري ولكني احب المرح والتسليه احب الرومانسيه واجتماعيه واترك الباقي للاعضاء الي عارفيني في المنتدى هم يكملو الباقي
س2: انت متزوجة ولا لا؟ ولو متزوجة وهذا اللي متوقع كم لكي سنة متزوجة؟ وكم لديكي من الاطفال وكم اعمارهم؟
نعم انا متزوجة من ابن عمتي ومتزوجه منذ سبع سنوات لدي ابنه واحده يحفظها الله وهي مشاعل وعمرها خمس سنوات ونص
س3: ايش رأيك في الزواج هل تشووفيه احسن ولا حياة العزوبية احسن؟ وليييش؟ وايش عندك نصييييحة لكل واحد ووحدة على وجه زواج؟
الزواج هو ستر وتكملت نصف الدين للمراة والرجل واستقرار والزواج هوا امنية تتمناها كل فتاه مع الفارس الذي تحلم فيه ولكل حياة مميزات الحياه العزوبيه هي حياة لا مسئوليات فيها يعني تنمية مهارات او تسلية ودلع من الاهل يعني تنامي وانتي مرتاحه اما الحياة الزوجيه هي حياة تملئها المسئوليات من الطرفين لانهم اصبحو مربين لاجيال قادمه وفيها كثير من المتاعب والتضحيه والتحمل لبناء اسرةجيده وهوا ثمرة لا نحصد فايدتها االى عند الكبر وفي ابنائنا وهم ااجمل شيء بالنسبة لي في الحياة
انصح كل فتاة وشاب مقبلين على الزواج بمايلي
التفاهم الجميل بين الطرفين لحل المشاكل الزوجيه والتنازل بين الطرفين والتضحيه والصبر والتحلي بالصفات التي يرغبها الطرف الاخر لجعل الحياة الزوجيه حياه سعيده مبنيه على قواعد صحيحه وانصح الطرفين بترك جميع ما يختص بالعزوبيه ومعرفة كلمة الزواج وماهو وما اساسياته وواجبات كل طرف والقيام بها كاملة واحترام للعقد الموثوق بينهم وهوا عقد الزواج الذي بداه رب لعالمين بالموده والرحمه والحنان والحب الذي يسود الحياة بين الطرفين
والحياة الزوجيه هي افضل مدرسه كل يوم تعلم الانسان دروس بس الشاطر الي يتعلم وما وماينسى ويستفيد ويفيد ولا تتحكم بس بقلبك لابد من العقل معا ولاخر يوم الانسان بيتعلم
س4: ايش رايك في الزواج التقليدي والزواج عن طرييق الحب وايهما تفضلي؟ وليييش؟
افضل الزواج التقليدي بصراحه لان الزواج عن طريق الحب زواج 70% ينتهي بالطلاق هذا بالنسبة من وجهة نظري لان الزواج التقليدي هو انك تستطيع التفكير بالعقل والقلب في اختيار الطرف الاخروعدم تسرع في اتخاذ القرار ام عن طريق الحب فهوالقلب فقط المتحكم الوحيد فلا تصح حياة زوجيه يتحكم القلب فقط فيها لان النهاية مؤلمه ربما تكون وفي النهايه هذا يكون بيد الله وعلمه وارادته
س5: هل في يووم ندمتي على شي سوييتيه ؟ ولو ندمتي ياريت نعرف ايش هو ؟
نعم ندمت على اني كنت اتعامل مع الناس كثيرا بقلبي فقط وليس بقلبي وعقلي لان عطفي وحناني سبب لي الكثير من المتاعب مع الناس اني انصدم فيهم بعد ما اكتشفهم على حقيقتهم و لكن ان شاء الله الاجر من الله هو ما اتمناه
س6: مين كان صااحب سرك في الغربة ؟ وليش هذا الشخص بالتحديييد؟
صاحب سري هوا الله رب ا لعالمين كنت اصلي وادعي يخفف الامي ومتاعبي ويساعدني ثم ام شكلنص لانها سريرتي منذ الصغر ومافي فرق بينا بالعمر كثير وخوات اصلا لانها بالفعل كتومه اسرار وارتاح معاها واجد النصائح منها والاسلوب الجميل وودي بصراحه تكون بدالها امي عذب السجايا لكن ما اقدر لان يكفي عليها غربتي فما بال اشتكي لها همي وانا بعيده عنها فحرام والله اعذبها
س7: هل تحسي انه انت اتسرعتي في الزواج ولا كان في الوقت المناسب ؟ وليييش؟
لا طبعا ما تسرعت بالزواج لان تزوجت بالسن المناسب لاني صغيرة ولا معنسه
س8: لمن تكووني طفشاانه باييش تسلي نفسك ؟
طبعا أقرا القران واحب اكتب خواطر واشعار فقط عن حياتي وهذه هوايتي منذ الصغر والى الان
س9: ايش استفدتي من الغربة بشكل عااام؟ ويااااريت تعطي نصيييحة لكل واحد حيساافر وحيتغرب عشان يستفيد من الاشياء اللي حصلت معاكي؟
بصراحه الغربه علمتني اشياء مررررررررررررررة كثيرة وانصح بما يلي
الا عتماد على النفس كثيرا لان الغربه صعبة ومرت بي مواقف مثل اني فقدت طفل لي وانا لوحدي بالغربه وعملت عمليه صعبه دون الاهل لكن ا لحمد لله و مرة من المرات مرض زوجي وكيف تحملت وما تصلنا من اخبار وفاة واحنا ببلاد الغربه وتحمل الصدمات
والصبر الي اتعلمته عن بعد الاهل وكمان تحمل المسوليات وتعلمت ان مو كل انسان اثق فيه على انهم عرب فقط لابد من عدم كثرة الاحتكاك بالعرب و بصراحه اكون معاكم تعلمت بعض الانظمة الصحيحه والمناسبه في حياتناوما تضر باسلامنا تعلمت
الصديق هو من يقف معاك في وقت الفرح والضيق ففكر جيدا في اختيار صديق الغربه
تعلمت بصراحه معنى الحياة في الغربه اكثرو تعلمت ا اهم شيء اني اكون معتمده على الله في كل شيء وربي هو خير معين لي بغربتي وبصراحه اناكنت اخاف بشكل كبير لكن الغربه خففت الخوف كثير
س10: هل تنصحي اي شاب وشابه انهم يساافروو ويتغربوو ولا لا؟ وايييش كنتي تسوي في
الغربة شغل ولا دراسة ولا ايييش؟
طبعا انصح كل فتاه وشاب بالسفر للدراسه للخارج وتحقيق الهدف في الحياة العلميه بس احب اقلهم الغربه تراها مو سهله والكثير الي يفهمها انها تغير في العادات والسلوك والتفكير مثل الغرب وهذا اكبر غلط حط هدفك امامك وحققه بشرط لا تهزك رياح الغرب ولا تتاثر باصحاب السوء خذ منهم مايرضي دينك واترك اثرك الطيب عند الغرب قوي ايمانك بالله وانت بين الغرب والفتن الي عندهم واضع مخافة الله امام عينك وهوافضل رقيب وولي عليك بالغربه واهم شيءالمساعده بين الزوجين و التضحيه لتحقيق الهدف شيء جميل يهون الكثير من متاعب الغربه على الطرفين ولابد من التعاون مع بعضهم ولابد من الصبر على كل شيء في الغربه مافي حلاوة بدون نار وربي يوفق الجميع
طبعا انا زوجي يدرس الدكتوراه بالخدمة لاجتماعيه مبتعث من جامعة ام القرى انتهى من دراسة اللغه والماجستير وبدا الدكتوراه وانا درست اللغه الانجليزيه والماجستير تبعي سوف يكون باذن الله في تخصص ذوي الاحتياجات الخاصه وباقي لي 3 سنوات حتى زوجي يخلص المده وانا الحمد لله بستغل الفرصه والحمد لله تعلمت السياقه ومعي رخصه وتعلمت كورس في السياحه وابنتي تدرس بمدرسه اسلاميه بالغه الانجليزيه واعمل معلمه تطوع على تعلم
اللغه العربيه يوم واحد بالاسبوع للمسلمات الاجنبيات

واخيرا خلصت اسئلتك يا خوي ما اظن عندك رجعه تسالني صح جيب معاك فمتو يروي العطش ولا تنسو يا اعضاء
اسمعو نصيحة امي ولا تعبوني انا بدلع شوي عندها وادلعها

شوفي انا مااخفيكي انه عندي اسئلة كثيــــــــــــــر حاب اني اسألها بس خلاص كرمال كلام غاليتنا ح احاول شوفي انا ح أحاول يعني مااوعدك << الله يستر منك ياعفريت ^_^
اول شي احب ارحب بيكي واهنيكي على الاسلوب في الإجابة ع الاسئلة وياريت انك تتقبلي اسئلتنا بكل مافيها من غلاسة << تقصد حبوب وحلو ؟؟
طبعا مين غيرهم يعني انا الغلس ترى انا ماحب الحكاكة زي الاخوان اللي بالي بالك يعني كرسي الاعتراف هو للتسلية لا أكثر ولمعرفة شخصية الضيـــــــف << ركزو على كلمة ضيف ^_*
يلا يالؤلؤة هدي بالك وصلي ع النبي وسمي بالرحمن خليني اسألك كم سؤال ع الماشي

س: اي وقت من اوقات اليوم تكون فيه لؤلؤة في عز نشاطها؟

س: ايش هية هواياتك اللي تحبي انك تكوني مداومه عليها؟ وايش اللي تتمني تمارسيه من الهوايات بس منتي لايقة الوقت انك تمارسيها؟

س: كيف تشوفي حياتك وهل انت راضية عنها بحلاوتها ومرها؟

س: ايش كان شعورك لمن عرفتي انك في اليوم الفلاني حتركبي الطيارة وح تشوفي اهلك الله يحفظك ليهم ويخليهم لكي؟ وايش شعورك لمن شفتيهم؟ وايش شعورك وانت بينهم وحوليهم حاليا؟ << بس ياعفريت هذا كله ماتحب اللقافة ههههاااي

س: كيف شعورك لمن جلستي ع الكرسي ؟ وكيف شعورك وانت بتجاوبي على اسئلتي؟

س: ايش رأيك في شخصية عفريت وبكل امانة يعني ياريت تتكلمي عن المساوء من غير مجامله قبل المحاسن؟

اخر طلب اطلبه منك نصيــــحة لأخوكي العفريت الصغير من القلب

وبهذه الاسئلة انا اكتفي بصراحة لنهاية الاسبوع << بس برضه ماأوعدك خهههه
ولو ماعجبك سؤال سوي نفسك ماشفتيه ماراح ازعل والله
ان شاء الله ماأكون ثقيل عليكي ياحــــــق وليا رجعة اشوف ايش سار وكيف الاعضاء معاكي والله يعينك علينا وماتزعلي من اي سؤال ماعجبك

سلملم << تحياتي المعفرتة ^_^

اهلييييين وسهليين بلؤلؤة استراليا
واخيرن رجع كرسي الاتعتراف ونور بجلوسك عليه
يلا راح اسأل كم سؤال عن الاعضاء

عضو نشيط ؟

عضو ناايم ؟

عضو دمه خفيف ؟

عضو فعال وله بصمه على المنتدى ؟

ـــــــــــــــــــــــــــــــــــــــــــــــــــــــــــــــــ
ماهي امنينك في الحياة ؟


هل تودي ان ترجعي لمرحله الطفولة ام المتوسط او الثانوي ام الجامعة ام ماقبل الزواج فترة ؟؟


ماهي احلى لحظة في حياتك ؟


آآآآآآخرر سؤااال

تحبيينيي ؟؟ خخخخخ


يلا وجبتلك شوكولاطااات معايا

اهلين والله بالجميع
مشكورة يا عذب السجايا شوفي كيف الاعضاء كل هذه الاسئله وما يبغون يتعبوني وي مابقي شيء ما سالوه لكن لاتخافي يا عذب السجايا انا قدها وقدود واشكرك يام القلب الحنون على الدفاع

س: اي وقت من اوقات اليوم تكون فيه لؤلؤة في عز نشاطها؟
عندما اكون مرتاحه اي اخر الليل لمن بنتي وزوجي نايمين اعرف اركز واراجع نفسي وافكر واسوي كل شيء حتى هواياتي ومذاكرتي وتنظيف البيت
س: ايش هية هواياتك اللي تحبي انك تكوني مداومه عليها؟ وايش اللي تتمني تمارسيه من الهوايات بس منتي لايقة الوقت انك تمارسيها؟
الهوايه الي احب امارسها كتابة الخواطر والاشعاار على نطاق واسع خارج نطاق نفسي اتمنى بصراحه اروح على النادي لممارسة الرياضه يوميا بس ما عندي وقت والشيء الثاني اني اجلس على النت لاوقات طويله واشوف المنتديات وغيره يشكل اكثر
س: كيف تشوفي حياتك وهل انت راضية عنها بحلاوتها ومرها؟
الحمد لله اولا الحياة على قولتك يا خوي حلوه ومره وما اخبي فيها المر كثير لكن انا راضيه بقضاء الله وقدره وافضل من حياة غيري وكل ما يصيبنا هوا ابتلاء من الله ولابد من الصبر علشان كدا الصبر في النهايه مفتاحه الفرج
[b][color=brown]س:
ايش كان شعورك لمن عرفتي انك في اليوم الفلاني حتركبي الطيارة وح تشوفي
اهلك الله يحفظك ليهم ويخليهم لكي؟ وايش شعورك لمن شفتيهم؟ وايش شعورك
وانت بينهم وحوليهم حاليا؟

مشكورين جميعا على الاسئله وان شاء اللله ماكون زعلت احد ولي رجعه في اخر الليل لكم وماشاء الله عليكم من جد شادين الهمه بعد القطعه الطويله وللاسف على حظي لكن ان شاء الله قدها وقدود

س: ايش كان شعورك لمن عرفتي انك في اليوم
الفلاني حتركبي الطيارة وح تشوفي اهلك الله يحفظك ليهم ويخليهم لكي؟ وايش
شعورك لمن شفتيهم؟ وايش شعورك وانت بينهم وحوليهم حاليا؟ << بس
ياعفريت هذا كله ماتحب اللقافة ههههاااي
شعوري ماكنت اصدق الى لمن الكابتن قال وصلنا مطار الملك عبد العزيز وقتها قمت ابكي وكل الناس دايما ينزلو وانا اجلس اخر وحده وانا اقول لزوجي من جد بيني وبين اهلي كيلوات موقارات واول ما شوفهم ما ودي بس اضمهم ودي اعصرهم وما اصدق يومين وانا بينهم جالسه وانا بس اطالع فيهم واشوف الي اتغير فيهم واكون طول الوقت في الرحله وانا افكر ويش اتغير فيهم وكيف اخر التطورات ولكن احمد لله وادعي ان الاقيهم سالمين غانمين
س: كيف شعورك لمن جلستي ع الكرسي ؟ وكيف شعورك وانت بتجاوبي على اسئلتي؟
بصراحه عادي حسيت اني في برنامج من سيربح المليون و قدامي جورج قرداحي
س: ايش رأيك في شخصية عفريت وبكل امانة يعني ياريت تتكلمي عن المساوء من غير مجامله قبل المحاسن؟
بصراحه وبدون زعل من مساؤك التسرع والتفكير من جانب واحد لكن المحاسن انت انسان طموح ومجتهد ومكافح تسعى مهما كانت ردت الفعل وهذا يعني انك تعرف معنى الحياة من خلال معاصرتك فيها يعني مدقدق في الحياه اقول ايه انا معرفك بس من خلال المنتدى جالسه احكم عليك قالولك شغاله خطابه ههههههههه قلنا بدون زعل
اخر طلب اطلبه منك نصيــــحة لأخوكي العفريت الصغير من القلب
لا تتسرع في اتخاذ اي قرار الى بعد التفكير من جميع النواحي وفكر في المستقبل بعين اجمل واضحك للحياة تضحك لك ولا تياس من الدنيا فالمستقبل امامك والله يكون معك فكن مع الله

س\ اول منتدى شاركتي فية ؟

س1: ايش هية نقطة ضعفك ؟
نقطة ضعفي ان الشخص يجيني باسلو يحزن او يحنن القلب بسرعه ارضى واوافق والين والصراحه مع زوجي نقطة ضعفي بنتي
س2: ايش الشي اللي ماتحبي انه احد يتدخل فيه مهما كان الشخص عزيييييز على قلبك؟
ما احب احد يتدخل في اي مشكله تحصل لي بيني وبين زوجي لان احب اخذ قراراتي بنفسي بدون اي تدخل حتى لا اندم ولان اساسا ما اسوي الى في راسي لان افكر بعمق ولوقت طويل والحمد لله تنجح ولكن لو مشيت على قرارات الناس احس ما انحل شيء من الموقف
س3: مين سمى بنتك مشاعل انت ولا زوجك الله يخليه لكي؟ وليش اخترتو هذا الاسم بالتحديد؟
بنتي كان اسمها جومانه لكن يوم ولادتها قال زوجي بسميها بشاير قلت لا وجلسنا نختار وفجاه كان في مسلسل لزينب العسكري كان يعرض وقتها وطالعه زينب باسم مشاعل واعجبنا الاسم وراح والدها وسماها بها الاسم
س4: ايش اكثررر شي يخليكي تعصبي؟ ومين الشخص اللي يقدر يخلي لؤلؤة تهدى مهما كان حجم المشكلة؟
الي يخليني اعصب الصراخ لو احد يصرخ فيني ما افهم ولا شيء فابد انا اصرخ مثله ولكن لو جات بنتي وضمتني وانا في اقوى المشاكل اهدا بسرعه
س5: اتكلمي شوية عن المواقف المضحكة في حياتك؟
من المواقف شكلكم عجبتكم بس يا الله نعطيكم منها
الحمد لله اني متحجبه في استراليا بس بصراحه ما اغطي وجهي ومرة كنا جماعه بنات ورحنا للسوبر ماركت واحنا خارجين فجاه ه وقفت سيارة وفيها مجموعه من الشباب صارو يرمونا بالبيض وصرنا مثل الصراصير في الشارع تجري وفي النهايه تعالو شوفو اشكالنا الي بنتها مغرقه بالبيض والي اساسا ريحتها عفنه وزادت مع البيض واتصلنا على رجالنا وفجاه جو وماهم متحملين ريحتنا واشكالنا وملابسنا الي كلها بيض لانه كان اكثر من طبق الي ارتمينا فيه ولليوم كل ما شفت البيض اذكر ريحته يوم نشف علينا ورجالنا مو متحملين ريحتنا بالسيارة واحنا راجعين للبيت
ومن المواقف كمان
اول ماجيت استراليا لي اسبوع ومتعلمه دوبي على الباصات وركوبها ويوم خرجت مسرعه من المعهد ودي الحق اطبخ الغدا ورحت اركض على موقف الباص ولقيت باص وصرت اجري وركبته طبعا ماكان نفسه الي اركبه مادري انه راح يوديني لاماكن ثانيه وجلس الباص يفر فيا واتصل على زوجي يقلي فين قلت مادري طيب باي حي مدري وش عرفني دوبي واصله ولا اعرف اسماء اي مكان المهم تعب صاحب الباص واذن المغرب وانا تايهه وخلص رصيد الجوال وصار زوجي يقول طيب فين الاقيك المهم هلت عليا فكرة ان اقول لصاحب الباص رجعني محل ما اخذتني المهم رجعني واتصل زوجي قلت تعال وخذني من الموقف ورجعت البيت اذان العشاء وراح الغدا والي اليوم اول ما اشوف باصات اطالع بارقام الاحياء حتى لو وما ودي اركب باص
س6: ليش احس انه لؤلؤة انسانة غااامضة؟ وليش احس انك حزينة وشايلة هموم الدنيا فوق راسك؟
انا غامضه ولا احد يستطيع ان يفهمني لاني غامضه ولا احب ظهور مالدي لان لو ظهرت ماراح الاقي حل عند احد علشان كدا وليش حزينه خلي الي في القلب في القلب قلت انا غامضه ونص الاعضاء عارفين معانات لؤلؤة في حياتها
س7: ايش اكثر شي يفرحك في الدنيا ؟ وايش اكثر شي يخليكي حزيييينة ؟
اكثر شيء يفرحني ان اجتمع مع كل احبابي واكثر شيء يخليني حزينه عندما افتكر اطفالي الذين فقدتهم
س8: اذكريلي الدعاء اللي مايفارق شفتاكي؟
ربي اصلح لي شاني كله ولا تكلني الى نفسي طرفة عين
اتمنى تتقبلي اسئلتي بحلوها ومرها على قول عفروتو

س\ البطاقة الشخصية :
- الاسم : لؤلؤ استراليا
- العمر : 29 عاما
- الوزن :69
- الطول :164
- الشهادة : وهذي خلاص عرفناها . ماشاء الله عليكي ..

س\ كم منتدى تشاركي فية . باسماهم ؟

منتدى عالم حواء
ومنتدى القدسي
ومنتدى المغتربات
ومنتدى بلقيس




س\ كم ساعة تجلسي ع الكمبيوتر ؟
ايام الدراسه اجلس مرة وحده في الاسبوع على النت ولكن ايام الايجازات اجلس 4 ساعات على النت
س\ موقف حلو مر بيكي في استراليا ؟
موقف حلو مره يوم طلعت الرخصه حلفت لاخذ صديقاتي لفه بالسياره ونرفع الاغاني لاخر صوت المهم اول ما ركبت السياره وطلعنا رفعنا صوت المسجل نبغى نسوي حركات فله الى وتمسكني الشرطه وقفونا عملو لنا اختبار مخدرات وشراب على بالهم محنا في وعينا وخلونا ننفخ في الجهاز ومهم مصدقين اننا بوعينا الين شرحنا لهم الوضع واننا في فرحة كبيره فقامو يضحكو علينا وهنوني على الرخصه
س\ موقف محزن مر بيكي في استراليا ؟
موقف محزن عملت عملية اجهاض وكنت لوحدي باستراليا وحزنت علي الدكتورة وخلتني يومين زياده بالمستشفى لان اهلي بعيدين عني
س\ موقف مضحك مر بيكي في استراليا ؟
يوم جيت اركب الباص وماكان عند السايق صرف 100 دولار قلتله بكره بعطيك هوا وقامو الناس يضحكو بشده وقالي لا بلاش اطلعي سالت زوجي وقلت له الموقف
قام الثاني يضحك بشده قلت وش في قالي يا ذكيه كل يوم يتغير السايق مو نفسه وكل يوم يجي باص برقم كيف راح تعطيه المبلغ

س\ موقف محرج مر بيكي هنا ؟
موقف محرج طبعا الكذب حرام لكن على قولتهم الاجانب مايعرفون الكذب فمره وحده من صديقاتي اتصلت في الصباح وقالت ماني جايه وقولي للمدرسه اي سبب وصارحتني انها متضاربه كانت مع زوجها المهم رحت للمدرسه قلتلها فلانه غايبه لان زوجها بالمستشفى في غيبوبه المهم رحت فيها لان معرف اكذب وراحت المدرسه تقول ساعديها يا لؤلؤة وخليكي جمبها وقوليلها بكرة كمان تقدر تغيب وشوي الي وهي داخله واتفاجا والمعلمه انصدمت وقالتلها شو جابك قالت لا ابني الحمد لله طيب خليته مع ابوه بصراحه وقتها كنت ابغى اقوم اقتلها حتت ضربه محترمه والمعلمه ضحكت وصرت مؤدبه بعدها احاول ولا ياي يوم اغيب لان ماراح تصدقني مهما كانت الاسباب وبعدها قلت لصديقتي ليش كدا قالت احسن مما اجلس بالبيت واضارب مع زوجي فقلت لها على الموقف قالت غيبوبه مرة وحده قلت لها قلت امكن ما تتصالحين مع زوجك اليوم امكن تاخذين كم يوم فقلت اجبلك عذر قوي فعتذرت
ضحكتيني ع موقفك الي في الكلاس ههههههههههههههههه
واكثر شي ضحكني لما تقولي للمدرسة خلي عنك . بكل برائه هههههههههه

س\ اصعب شي فالغربة ؟
الوحده ووبعد المسافه عن الاهل تعرفو استراليا اخر قارة بالعالم
س\ احلى شي فالغربة ؟
الي مقدر اسويه هنا اسويه هناك بس طبعا لايروح بالكم بعيد بحدود الادب
س\ اغنية كنتي تسمعيها كثير فالغربة ....
طبعا انتم اكيد تعرفوها هي الاماكن لمحمد عبده وواحشني موت لماجد المهندس
س\ لو قالولك اختاري دولة تبتعثي لها قبل لا تروحي استراليا . كنتي اخترتي اي دولة ؟؟
بصراحه امريكا او كندا
س\ كيف كان شعورك لما سمعتي خبر الابتعاث ؟؟
بصراحه في البدايه زعلت لكن في النهايه قلت هذا هدف ومستقبل لازم نتحمل في تحقيقه الكثير من المتاعب وقلنا مافي حلاوة بدون نار
س\ اكثر شي حبيتية في استراليا ؟؟
الطبيعه الي تخلي الاعصاب هادئه
س\ اكثر شي كرهتية في استراليا ؟؟
وجود العرب بكثرة

س: فين كانت ولادتك؟
ولدت بالطائف

س: فين درستي الابتدائية والمتوسطة والثانوية؟
الابتدائيه والمتوسطه بالطايف ولكن الثانويه بجده
س: اي مرحلة كانت احلا مرحلة وليش؟
الثانويه مدري
س: ايش احسن مادة كنتي تحبيها وكنتي شاطرة فيها؟ وايش المادة اللي كنتي تكرهيها وتكرهي مدرستها؟
التاريخ والانجليزي وكنت اكره الكمياء ومدرستها
س: اي مدرسة كنتي تحبيها وياريت اعرف السبب؟
احب مدرسة التاريخ لانها كانت تقومني دايم اشرح الدرس وتطلعني الطالبه المثاليه على المدرسه انا وام شكلنص

السلام عليـــــــــكم
جيت اتطمن واشوف ايش الاعضاء مسوين والله محد فيهم مقصر كلهم بيسألو الله يقويكي من عنده
شكله الفطور ماعجبك ماعلينا
وشافع نافع على الاطفال اللي افتقدتيهم وربنا يعوضك من عنده ويطرح البركة في مشاعل يارب
عندي كم سؤال كده ع السريع وان شاء الله ماتنزعجي من كثر اسئلتي

س: ايش هية الامنية اللي تتمني تحققيها الفترة الجية ؟

س: مين مطربك المفضل؟ ومين مطربتك؟

س: اي نوع من الافلام والمسلسلات اللي تحبي تتابعيه؟ يعني درامي كوميدي ولا اكشن ولا رومنسي؟

س: مين من الممثلين والممثلات اللي تحبي انك تتابعيهم وتتابعي اخبارهم؟

س: تحبي تقري جرائد ومجلات؟ ولو تحبي ياريت تذكريلنا هية؟

خلاص يعطيكي الف عافية << تحيات اخوكي الصغير ^_^

ليييش

سلااام عليكم
كيفك
يلا استعدي
جبتلك معااياا كماان اسئلة يلا سمي بالله

ماهيايجابياتك ؟

سلبيااتك ؟؟

ماهو اغلى شئ تملكيه في حياتك ؟

اقرب عضو/ة ليكي في المنتدى ؟

هل تحبيي الاكل ولاا خخخ ؟؟

هل تفضلين الشاي ام القهوة ؟
وترى انا منتظره اجاباتك على اسئلتي الاولى وبس

السلام عليكم

من غير مقدمات انا كلي حماااااااااس سمي بالله

س1: ايش هية حكمتك في الحياااة؟

س: ايش اكلتك المفضلة ويش مطعمك المفضل؟ وهل تحبي اكل البيت ولا المطاعم؟

س2: مين قدوتك في الحياة؟

س3: لو كنتي مكان الرجل اقصد زوجك لمدة اسبووع ايش ممكن تسوي وايش تغيري في حياتكم؟

س4: لو مسكوكي الحكم لمدة يوم واحد ايش حتغيري في البلد؟

س5: لو شخص ااااذاكي في حياتك مو مشكلة عزيز ولا عادي وجاتك الفرصة انك تردي حقك ايش ممكن تعملي؟ هل ممكن تسامحيه وتسيبيها ليوم انت تحتاجي فيه الحسنات؟ ولا لازم تاخذي بحقك في الدنيا؟ ولو حتاخذي حقك ايش ممكن تسوي؟

س6: وانت معصبة وفي قمة العصبية ايش التعبير اللي تعبري بيه؟ يعني في ناس تزعق وفي ناس تضرب وفي ناس تروح تنام وغيره وغيره انت من اي نوع بالضبط؟

س7: كيف ممكن تتعاملي مع المشاكل ان كانت صغيرة او كبيرة ؟ هل انت متفهمة من الاخر ولا ممكن تكبري المشاكل؟

س8: ايش هية الحاجة اللي مستحيل انه لؤلؤة تنساها؟

س9: كيف تعاملك مع بنتك وهل انت من الناس اللي اول حلولهم الضرب ؟

س10: مين اقرب لكي على قلبك امك ولا ابوووكي؟ جاوبي بصراحة مو عشان امك هنا ح تقولي امك ولا تقولي كلهم الاثنين زي بعض ويااريت تذكري ليش؟

س11: لو في شخص اساء لكي بالكلام بس انت ماتدري يعني في احد وصلك المعلومة كيف ح يكون تصرفك في الموضووع؟

س12: لو غلطتي على شخص ايش حتسوي؟

س13: لو احد غلط عليكي وجا اعتذر منك كيف حتكوون ردة فعلك معاااااه؟

س14: امنية كان نفسك تحققيها وماقدرتي ياريت اعرف ايش هية؟

س15: ايش هو تفكيرك حاليا للمستقبل وكيف مخططك لحياتك؟

س16: هل تفكيرك كان قبل 10 سنوات زي ماهو دحيييين ولا اتغير؟ ولو اتغير اذكريلنا الاسباااب؟

س17: ايش هو عمل الخير اللي سويتيه وماحبيتي انه احد يعرفه؟ وليش خبيتي؟ طبعا انت حرة تجاوبي او لا

س18: لو جاكي الاختيار انك تغيري مكان البعثة فين حتختاري اي بلد؟ ولييييش؟

س19: لو كان معاكي عصير دوووبك اشتريتيه وجااكي شخص وطلبك هو وانت ماعندك غير فلوس العصير هذا ايش حتكون ردة فعلك؟

س20: لو وقعت مشكلة لاقدر الله لكي وكنتي خايفة انه احد يعرف ومافي حل الا انك تقولي لاحد عشان يساعدك مين ممكن يكون هذا الشخص؟ اللي حتعتمدي عليييه وشايلته للعوزة

س21: كيف تشوفي نفسك يعني اقصد النظرة اللي الناس يشووفوكي بيها هية انت من جوا ولا انت تشوفي نفسك غير عن الناس اللي تشووفك؟ وليييش؟

س22: ايش هو اعز شي على قلبك في الحياة غير امك وابوكي وزووجك وبنتك طبها؟

س23: ايش يكون ردة فعلك لو شخص اتدخل في خوصياااتك ؟ وايش الخصوصية اللي ماتحبي احد يتدخل ولا يتجرأ فيها مهما كان معزة الشخص؟

ابغا رأيك لو بكلمة لكل من الاعضاء التالية اسمااءهم :
عذب السجايا:
شكلنص:
اسيرة الصمت:
توتي فروتي:
سفيرة الاحلام:
صغيرة الخطيرة:
حلو بس كذاب:

اتمنى ماتزعلي من اسئلتي لاني والله حااااس اني بأحقق معاكي هههههه
هذا اللي جا في بالي وقلته وان شاء الله ليا رجعة

اخووكي (ولد عذب السجايا)