حلو بس كذاب معنا ضيف في كرسي الاعتراف

[b]أخويا قمر بنفسه جيني يتطمن

هلا والله يااقمر طلتك حلوة وافتقدتك
كيف تكوون الارض من غيير قمرها
(المنتدى من غيرك)
عندي كم سؤال واتمنى يكون تواجدي خفيف عليك :
والله مبسووط انك افتكرتني ورجعتلي مرررة وحشتني طلتك
انا عاا رف انك مشغوول وعاذرك واتوقع انك كتبت الاسإلة وانت في الدواام
لكن كلامك يخليني ابغا اجلس شهر والله مو اسبووع

1_ ماراْيك في الشخص الذي يعاند ويصر على رايه حتى لو كان على خطاْ ؟
هذا انسان جااهل ومايفهم بصرااحة
وانا مااحاول اني اناقشه (لكم دينكم ولي دين)
هذا اللي اقدر اقووله

وهل واجهتك في حياتك اشخاص مثل هؤلاء ؟ وكيف يكون تعاملك معهم ؟
يووو تعرف كثيير اللي زي كذه والله يعين المجتمع عليهم
مااتناقش معاهم من جد ليش اتعب نفسي عالفاضي
لو هو موراضي يقتنع


2_ ماذا تعني لك تلك الكلمات :
الغروب
مررة حلو وشي جدا روومنسي مااقول غير (سبحان الخلاق)
من جد فيها عظمة للكون ياقمر الكوون

البحر
احبه موووت تحس انه مرررة ترتاح فيه
وماتبغا تتكلم مع احد غيره
الا اذا كان معااك شخص عزيز وغالي ترتاح معااه
وتشكيله همووومك(زوجتك)ومررة وحدة تسير رومنسية

الحب
مااحد يقدر يعييش من غيير حب
(لكن زي ماتعرف الحب عذاب) وحلاوته وطعمه في عذابه هذا
(هل رءا الحب سكاااارااااااا مثلنا)

الغرور والتكبر
على ايش ياعمي كلها دنيا وحتخلص
من تواضع لله رفعه (لايدخل الجنة من كاان في قلبه مثقاال ذرة من كبر)
لييش هذا كله والحمد لله انا مو كذه ولا اكوون كذه ابدا ان شاء الله(يااااااارب) وان شاء الله امووت قبل لا اسير كذه في يووم

الالم
الالم قصدك(القلم على قوول المصارية )ولا القلم حقنا هههه
طبعا موو حلو بس في هذه الدنيا مستحييل في شخص ماقد اتألم
بس هاالله هاالله بالصبر وانا الحمد لله مرررررة صبوور
ولأبعد درجة والله يثبتني على كذه يااارب


الصمت
الصرااحة زي مااقالو الصمت حكمة
وتعرف لو كان الكلام من فصة فالسكووت من ذهب
لكن مااسكت غالبالأني مااحب اشووف غلط ومااتصرف
صح مشااكله كثير الكلام لكن تااخذ حقك بيه
واسكت في مواقف زي وقت مشكله قوية لو اتكلمت حأخرب العلاقه-
او انه اكوون معصب لو اتكلمت حأجرح اللي قدامي (احيانا)
ولا يكون اللي قدامي معصب ولو اتكلمت حيعصب زياده وكده يعني
3_ ما هي أجمل كلمات قرأتها .. أثرت في نفسك .. و رسخت في ذهنك ؟
كلماات كثيرة منها(الحياة مدرسة)(اللي ماربووه اهلو يربوه الناس)
(تزرع ورد تلاقي ورد تزرع شووك تلاقي شووك)حكمة الوالد
(سوي خير وأرمي في البحر)(الرد على السفيه مذله)
(دوووس يا خنفوووس)(والله وطلع للفنفساان لساان)ههههه
تعرف مكاوي وماخفي كان اعظم

4_ هل انت انسان تتقبل المقالب ؟ واذا كان نعم اذكر لنا مقلب واجهته
ممكن اتقبل المقالب بس عشاان انا مااحب اسويها
ماافي احد ممكن يتجرأويسويها
مع انه في نااس لو سووها عاادي بالنسبة ليا
لكن امي اللي تحب تسوي فيا مقاالب ههههه الله يهديها
(يعني في يووم تخرج عندها زواج ولاعند ستي ولااي احد من اقاربها
المهم اكووون انا عند اصحابي ولا لعبنا كوورة وبعدها نرووح الكازينو
وتعرف بلايستيشن وبلووت وللصبح يكون خميس وفاالينها
امي تقلي يلا تعاال بسرعة ابووك يزعق(يخااصم)
ولمن ارجعلها واقلها يلا انزلي تقلي خلاااص انا في البيت
رجعت مع السواااق خخخخخ والله مررة اعصب وانقهر بس ايش اسوي
هذه امي هية اللي كااسرة شووكتي اله يخليها ليا ياارب
ومااتسوي فيا هذه المقاالب)



اكتفي بذلك
واعذرني لطول اسئلتي
والله على عيني وراسي وعلى قلبي زي العسل يعسووول
ولا تخلي على نفسك شي لسه الاسبووع في بدايته


ياهلا وغلا والله بشرووق انتظرك بفاارغ الصبر
ومستغرب الشمس ليش ماطلت عليا اكيد في شي ساار
ياهلا والله بكرسي التحقيق ومن عليه
الله يحييكي والله الكرسي متونس بيا وبطلتك عليا
والله مسكيييين مررره محزني قطعوك من الاسئلة
لاتحزني ولا شي اناا مرررة مبسووط وانا جاالس مرتااح
وانتو اللي بتتعبو وتجوو لكن انتو على قلبي زي العسل
ومتونس بجيتكم والله هاتي اللي عندك مررة متحمس

بس انا عندي كم سؤال عشان لا اطول
خذي رااحتك ولاتخلي شي على قلبك
انا بين يدكم ولو ماتبغي تطولي خذي لفة وتعاالي خخخ

يلا نبدا
يلا بسم الله ولاتترددي ابدا ولاتستحي اخوكي
دقيقة دقيقة القهوة والله نسيتها

من هو صاحب القلم اللامع ؟؟
ماادري قصدك من اي نااحية هنا ولا برره
لكن هنا والله كل الاعضااء شاادين حيلهم
ومررة ماضيعهم حلوة يعني زي حبووب مواضيعة مسليه ومضحكة
والفاارس اللي هية امك منوعة ومهي حارمتنا من شي
والله كماان همسة مرررة مواضيعها واقعية وحلوة
وقمروانت واختك دارك انجل وشكلنص وصغيرة واسيرةوتوتي ولؤلؤة وأمهم وعذب السجاياودحين جات بنت النوور
واخيييرا مديرنا الخطييير اللي احب تواجده في مواضيعنا جدا
وطبعا عذب الليالي كبيرة نساء المنتدى
ولو قصدك بررة احب الشعر من حامد الزييد مررره
وخالد الفيصل وعبد الرحمن بن مساعد واحيانا خالد المريخي

ماهي هوايتك وهل تجيدها في المنتدى ؟؟
الصرااحة(اعطاء الرأي في كل صغيرة وكبيرة)
طبعا وكلكم عاارفين انا كيف حتى احيانا ممكن تزعلو مني اتوقع
كرة القدم والله لو يسوو ملعب هنا يووو والله مااروح العب في مكان ثاني هههه


ما اجمل موقف صادفك داخل منتدى ؟
اني لقيت اللي يشبهني في اشيااء كثيير وبصرااحة من كثر ماحبيته
سوينا شراكة هههه وفتحنا محل خياطة انا وهوه (حبوووب العبيط)
احلا تحيييية له
يااأحلى اعضااء انتو العائلة الخفية ليا

اقسـى كلمـه سمعتيها من انسان عزيز على قلبـك ....!!
مااأتذكر لكن من امي وأبويا

شو تعتقد يصير لك اذا تخلوا عنك كل الناس .. ؟؟؟
اعييش وحييد ههههه
والله مدري الله وأعلم لكن مااتوقع اني حأكوون مبسووط
انا من النااس اللي مرررة احب الجمعة(مو يوم الجمعةلالا)خخخ اقصد الللمة وبقوة بس لو سابوني اكيد لازم اعيش
وأتأقلم على كذه سمعتي نجوى كرم وهيه تقوول(ماحدا لحدا ياحبيبي ماحدا لحدااا)
خلالاص
وبس يلا راح اروح واذا جا على بالي سؤال ماراح اقصر
يووووو لا والله خليكي شوية ترى والله مبسووط عاادي
الا اذا كان عندك مدرسة بكررة خلاص مو مشكله
الله يحييكي في اي وقت البيت بيتك
نااامي تماام وتعالي وانت فايقة مررة ثاني مو كده نعساانة
يلا سلام[/b]

يعطيك الف عافية وخير يا حلو
تعرفني احب الهرج والدرج بس بعد هرجك ودرجك خلاص معاد في هرجة
صراحة صح لسانك يا ولد
ويسلمو ع كلامك الحلو صراحة خجلتني مني عارف ايش اقولك
صراحة انا الي احسد نفسي على صديق واخ زيك يا حلو
وجدا جدا متشرف ومبسوط بمعرفتك << هلا حياك عوربا بالله

بعدين تقولي اسيرة جاتك
ها فين - مين - كيف - ايش - ليش << اهل مكة يحبو المشاكل والفزعة خههه
لا بس احمد ربك جاتك وهيا اسمها اسيرة ولا لو جاتك وهيا اسمها شرووو , اووووة كان ما سوتلك قاضي كان كانت هيا القضية خههه
يلا الحمد لله جيتك وهيا اسيرة وحاطة كمان صورة جوجو ودلع واخر حلاوة
وعلى فكر يا اسيرة عندي صور كثير لي جوجو اذا كان تبغي احنا في الخدمة وكما شفتك في موضوع حق ( يوم عضو او مشرف.. ) حق الفارس قلتي انك تدرسي icdl زيي على فكرة عندي ملفات بور بوينت لكل كتاب ان كان تحتاجية احنا في الخدمة اخوكي برضو << ايوا زبط قول انك خايف تنفرش خههههه افا عليك مين ينفرش ارفع علومك مكاوي ^_^
يلا بس الحمد لله ياحلو القاضي اسيرة رفعت الجلسة وجات سليمة براءة الحمد لله

جيبو القهوة الحلوة يا ولد

بسم الله الرحمن الرحيم

نبدأ الأسئله......احم احم ...

كيف الحال انشاء الله مبسوط على كرسي الاعتراف المريح<<<<شكلك خلاص اتعودت عليه ومبسوط ان الأعضاء يسيرو عليك ويشوفو أخبارك

معليش ما كنت متواجده من البداية بس تعرفو اختبارات ثانوية وحوووسه <<<بس ادعولي

يلا استعداااااااااااااد انطلااااااااااااق <<<<مسويه جو أفلام كرتون

لا استنى قبل الانطلاق أحب اقلك لو في سؤال مكرر لا تحرجني وتجلس تقول انو مكرر <<<< يعني لو لقيت سؤال مكرر طنشه وروح للي بعده<<<< انا حاولت ان ما تكون مكرره

1- أكتر حاجه تحبها في نفسك؟

2- اكتر شخص مهم في حياتك وما تقدر تستغنى عنه ابدا ابدا ابدا؟

3- أكتر انسان كان عزيز عليك وفقدته؟

4- اكتر شخص قريب منك ويحس بيك دايما حتى لو ما اتكلمت؟

هذه الأسئله يمكن خاصه شويه بس يعني اذا ما تبغ تذكر اسماء يعني قلي القرابه مثلا امي اختي صاحبي ولد خالي زي كده وفي النهاية انت حر اذا ما تبغ تجاوب عليها

5- السياره اللي تحبها؟

7- أغنية مره تبكيك وتذكرك بأشياء حزينه ومؤلمه؟

8- ايش أكثر كلمة تأثر فيك ولمن تسمعها تحس باحساس حلو؟

9- ايش اكتر كلمة تكره انك تسمعها؟

10- أحلى شهر؟

11- ايش أحب اللهجات لك طبعا بعد اللهجه السعوديه(كويتية-مصرية–سورية–لبنانية- اماراتيه- مغربيه)؟

12- أحلى سنه؟

13- هل تحس انو انت مبسوط في حياتك من وجهة نظرك؟

14- هل تحس ان انت محظوظ في اختيارك لأي شي (لقسمك في الدراسه لشريكة حياتك لوظيفتك لأختيارك لأبسط الأشياء حتى)؟

15- أكتر اسم يعجبك من اسماء البنات؟

16- أكتر اسم ينرفك وما تطيقه من أسماء البنات؟

17- ايش احلى دلع لإسمك؟

18- تتمنى في لمستقبل انو احد يقلك يا أبو..... مين؟ انت ايش تحب تكون (كنيتك)؟

19- اكتر اسم يعجبك من اسماء الأولاد؟

20- أكتر حرف من الحروف الأبجديه تحبه؟

21- احلى مطربه عندك شكليا؟

22- احلى صوت مطربه او مطرب؟

23- من توقعاتك وقرائتك لردود تستنتج مين أكبر عضو في المنتدى ومين أصغر عضو (وتوقعاتك لأعمارهم)؟

24- { وراء كل رجل عظيم امرأة............ووراء كل فاشل عظيم امرأتان) مارأيك بهذه المقولة ؟

25- هل انت تدخن أو تعسل أو تشيش أو شي من دي الأشياء ؟

26- مثلك الأعلى اللي تطمح تصير زيه؟

27- أول خفقة قلب (حب) لك كانت في أي سن ؟

28- قد حجيت ولا لأ (ولو أيو متى حجيت)؟

29- أيش تعنيلك هذه المدن(مكة – جده – المدينة – الرياض – ينبع – أبها )كل مدينة عبر عنها بجملة؟

30- ايش تفضل أكتر أنك تسافر بالسياره ولا بالطيارة ولا باص ولا قطار ؟

31- أخر مره انقلك فيها مبروك متى وبمناسبة ايش (نجاح وظيفه ......)؟

32- أجمل يوم في حياتك كلها (يعني يوم كان تاريخي بالنسبة لك وعمرك ما تنساه أبدا أبدا)؟

خلااااااااااااااااااااااااااااااص مره تعبت من الكتابة والتفكير في الأسئله مخي انعصر

أي سؤال يكون محرج لك أوما يعجبك مو لا تجاوب عليه <<<<أهم شي الراحه النفسية

كنت أبغ أسأل كم سؤال كمان<<<< بس خلاص الأعضاء ما قصروا هههه لا أمزح كده كفايه

أتمنى من أعماااق أعماااق أعمااااااق قلبي اني ما أكون طولت أو كثرت بالأسئلة <<<<<بكل عين قوية ههههه

<<<<<بس تعرف يعني لازم نتعرف على الأعضاء أكثر ونعرف عنك حاجات أكثر

تحياتي dark angel

مشكورين بس والله راح أعدل بالحق لو سيرة قاضي ومشكور أخوي حبوب على المساعده أنا أبغا الأسئله التجريبيه ولكن لو أردة أي مساعده أنا في الخدمه أختك أسيره

حرام عليكم يا بنات الولد مهو عارف يمد رجلة شوية
أرحموا من في الأرض يرحمكم من في السماء ,,عاملة فيه شيخة ,,هههههههه
هذا كلة وما عرفتوا الرجال
معليش يا حلو حبيت أطل وأزور بس ما شربت لا قهوة ولا أكلت معمول ولا تمر
المرة المقبلة إن شاء الله

الله يكون معاك يا ولدي ويسهل عليك الأسئله ويعدي الأسبوع على خير
معليش تعبوك وانا منهم
ربي معاك

إلى ولدي الي ما جبته من بطني

امك عذب السجايا

مرحبا ياحلو
كيفك؟؟؟؟؟ يالله اتفضل جبتلك الفصفص اللي نفسك فيه ومن تساااااااااالي القاهرررررره
وجايبتلك معاها شويه اسئله تتسلى عليها وانت بتفصفص
1/من خلال نظرتك لنفسك هل تعتقد انك تملك قلبا كبيرا؟؟؟
2/ماهو اول منتدى شاركت فيه؟؟؟؟؟؟
3/تحب النكت؟؟اذا كانت ااجابه نعم اذكر نكته؟؟؟؟؟؟؟؟
4/ماهو برنامجك اليومي يعني من يوم ماتصحى لوقت نومك؟؟؟؟؟؟؟؟؟
5/ماهي ثقتك بإبداع المرأه؟؟؟؟؟؟؟؟؟؟
6/اسأل نفسك سؤال وجاوب عليه؟؟؟؟؟؟؟؟
7/ماهي افضل مدينه زرتها؟؟؟؟؟؟؟ ولماذا؟؟؟؟؟
8/اخر شخص تتذكرو قبل ماتنام؟؟؟؟؟
9/كلمه اخيره توجها لاعضاء المنتدى
طبعا انا عارفه اني زودت حالي المره دي بس انا قلت تتسلى عليها وانتى بتفصفص
مو صح؟؟؟؟؟؟؟؟؟ ودا برضو سؤال

اهلين يا حلو وش الاخبار وكيفك مع الكرسى ان شاء الله ماتمون تعب من الجلسه ومن التحقيق والله شوفنى ما كثرت عليك بالاسئله لانك قلت الى يكثر عليك بالاسئله تحطه بعدك على الكرسى خلاص اتفقنا وبعدين حبيت احييك على فراستك ما ادرى هى فراسه ولا مراقبه وحب معرفه اكثر عن الاعضاء يعن ما اتفاجئت لما عرفت عنى اشياء كثيره وهى بناتى وولدى وبنتى الى متزوجه ولد اختى لانى انا الى صرحت بهدى المعلومات بس ما شاء الله عليك ما تفوتك فوته لكن العمر خطا لانى اتزوجت صغيره مافى فرق بينى وبين شكلنص الا 5سنوات وعذب السجايا ليست فى سنى
واخيرا اتمنى انك تلاقى وظيفه والله حزنتونى انت وحبوب يعنى شباب زى الورد وبدون وظائف لكن الله ينويلكم الى فى بالكم وتتوظفو وتتسترو فى بيت الزوجيه بدال ما انتم جالسين على المنتديات من الفضاوه هههههههههه لا تزعل ترى امزح

أهلين وسهلين كنت بأدور على القضايا إلي عندي ولقيت إنك رافع دعوه على دارك أنجل لكثرة الأسئله التي خلتك في كرسي تحقيق مو كرسي إعتراف إشبي شكلي ما نمت زي الناس كلها سوا ولا موبايلي لا أحسن الإتصالات
المهم مشكور على الإطراء إلي كتبتو عني وعن قمر الكون والله خجلتني وعن الوالده عذب والله خجلتنا بكلامك الحلو بس الصادق
وترى أنا مني عصبيه لالالالالالا عصبيه شويه بس أهدئ بسرعه
المهم ولقيت لك قضيه مره خطيره وإبغالها محامين كتر
وكلمت القاضي وأتوسلت وقالي خلاص راح نفرج عنو بس بشرط إنك تسئلئ سؤال ونشوف جوابوا فا قلت أفا على كدى على السمع والطاعه
سؤالي لك
هل قد مريت بموقف مرعب خلاك متنام منو ؟
وعلى حسب الإجابه يصدر الحكم بلإفراج

مشكورة او مشكور

أنا حأجاوب على اسإلتكم
بس أعطوني وقت شوية
المهم حبيت أقول ل دارك مااان
هذا موو موضوع عادي عشان تجي تشكرني وتمشي
وببعدين موعارف أنا واحد ولا وحدة الله يسامحك
حلو مو حلوة
وكذاب مو كذابة
وكماااا مشرف مومشرفة
(أتمنى تكون أقتنعت)
وياريت تسأل لوحاب تعرف أي شي ولا عندك مشكلة منتى عارف تحلها ولا ولا
المهم أناكلها يومين وحأمشي
يعني ياريت ماتزعلني منك
وأعتذر عن الإجابة حاليا عشان أنا عندي ملكة وحأرجع أرد عليكم وعلى أسإلتكم
وعندي حاجة ابغا أقولها لكم
يعني حنتفق عليها يوم الخميس
وأحتاج آراء كم فيها
والحاظر يعلم الغائب

أخوكم (ولدها)
(المشرف)
[b]

يالله بعدين قلي كيف الملكه حلو ولا طفش
ولا تنسى ترد على أسئلتي في الصفحه 3